اورمونو "اورمو" اوچون سئون وكيل !

اورمونو "اورمو" اوچون سئون وكيل !

سایین محمد سلیمانی نیا (باری) اورمو بیلی یوردولاریندا حقوق ریشته‌سینده (بيليم داليندا) ائيتيم وئريب اؤيرنجي بئجرتمكله اوغراشير عئيني زاماندا آغری هفته‌ليگين يازارلارينداندير. اورمونون دؤردونجو شهر شورا سئچگیلرینده 194 آدایدان بيري ده ، ديرلي وكيليميز، محمد بي سليماني نیا ايدي. آرتیرمالییام 194 آدایدان 185 تورک 9 کؤچری کورد ایدی.
سلیمانی نیا جینابلاری شورا سئچگیلرینده " اورمو آذربایجان سسی"‌نین وئردییی 15 نفرلیک ائتلافین اوغور قازانما آماجیلا اینصیراف وئریب سؤیله‌میشدیر:
بو گون اورمونون دورومونو دوشونرک تورپاقلاریمیزا گؤز تیکنلری نظرده آلاراق منده "اورمو آذربایجان سسی"‌نین آدایلارینا سس وئریرم.
"اورمو آذربایجان سسی"نین بیر فردی اولاراق بوتون یولداشلاریمین طرفیندن سایین سلیمانی نیا جینابلاریندان بو دیرلی داورانیشی اوچون تشککور ائدیب پروفسور زهتابی نین بو شئعریله دئیرم:
من لر توپلاناراق یارادار بیزی
بیزی پارچالاسان من لر یارانار
بیز اولسا من لرین اولاجاق ایزی
اگر بیز اولماسا، من لر تالانار
سیز گئرچکدن سؤزده يوخ عملده اولدوغونوزو و اورمونو اؤزونوز اوچون یوخ بلکه اورمو اوچون سئوديگينيزي بيلديرديز. اورمو سیزین بو گؤزل ایشینیزی اونوتمایاجاق!
اومورام باشقا آدایلاردا سیزین بو حرکتینیزدن اؤيره‌نيب باشقا سئچگیلرده اورمونون دورومونو دوشونوب سسلرین پارچالانماسینین قاباغیني آلماق اوچون یاردیمجی اولا بیله‌لر. و بوتون آدایلار بیلمه‌لیدیلر:شهر اوچون آدایلیقدان اینصیراف وئرمه‌ینلر، شهری یوخ بلکه اؤزلرینی و جئبلرینی دوشونورلر!
یاشاسین اورمو
یاشاسین آذربایجان

  2013.07.21
مرداد-92