آذربایجان میللی حوکومت دؤنه‌مینده/ اورمیه(ارومیه) روزنامه‌سی، 30-نجو شوماره، 1-نجی ایل،1325/2/25
.JPG)
8.خانیملار کولوبو هر یئرده یئرلی شرایطی نظره آلیب اؤزلری ایچون
آشاغیدا یازیلان ایشلری حیاتا کئچیرملی‌دیر.
۹. هر کلوبدا بیر قیراتخانه و بیر کیتابخانا خانیملار ایچون تشکیل وئرمك.
۱۰. بی‌ساواد خانیملارین ساوادسیزلیقلارینی رفع ائتمك ایچون گئنیش تبلیغات آپاریب و کلوبدا درس کیلاسلاری تشکیل وئرمك.
۱۱. بیر عیدده دوقتورلاردان دعوت ائدیب یوخسول و فقیر خانیملاری مجانی موعالیجه ائتمك ایچون ایقدام ائتمك.
۱۲. خورافات و موهومات و پیس عادتلریله مباریزه آپارماق.
۱۳. خانیملاری لباس و زندگانلیق اصولوندا ساده‌لیگه دعوت ائتمك و بو ایشی کلوبا عضو اولان خانیملار عملی ائتمه‌لی‌دیرلر .
۱۴. اخلاق و عیفت مسئله‌لرینه آرتیق اهمیت وئریب بو باره‌ده گئنیش تبلیغات آپارماق.
۱۵. خانیملار ایچریسینده صحیه اصولیله ائودارلیق و اوشاق ساخلاماغی ترویج ائتمك.
۱۶. دوقتورلاردان و بیلگیلی شخصلردن یوخاریداکی مسئله‌لر ایچون کنفرانس دعوت ائدیب و کلوب عضوی اولوب و اولمایان خانیملاری دا بو کنفورانسلارا دعوت ائتمك.
۱۷. قادینلار ایچریسینده ورزیش و ایسپورت ایشلری ایچون دسته‌لر تشکیل وئرمك.
۱۸. وطن‌پرستلیك حیسسینی خانیملار ایچریسینده اویاتماق.
۱۹. یوخسول و فقیر خانیملارا کؤمك وسایلی دوزلتمك.
۲۰. خییاطلیق، قولدوزلوق و سایره ال ایشلری تعلیم وئرمك و کلوبدا بونلار ایچون معیین شؤعبه‌لر آچماق.
